نئی دہلی،19؍جون(ایس او نیوز؍ایجنسی) وزیر اعظم نریندر مودی نے ہند چین سرحد کی موجودہ صورتحال پر تبادلہ خیال کے لئے جمعہ کے روز ایک جماعتی اجلاس طلب کیا اور پورے واقعے کی تفصیلات سے باخبر کیا اور فوج کی تیاریوں سے آگاہ کیا۔

ویڈیو کانفرنسنگ کے ذریعہ منعقدہ اس میٹنگ میں وزیر داخلہ امت شاہ اور وزیر دفاع راج ناتھ سنگھ اور وزیر خارجہ ایس کے جے شنکر بھی موجود تھے۔ اجلاس میں قومی اور علاقائی سیاسی جماعتوں کے 17 سربراہان شریک ہوئے۔ لوک سبھا میں پانچ یا زائد ممبروں والی سیاسی جماعتوں کو اجلاس میں مدعو کیا گیا تھا۔ کل جماعتی اجلاس میں لداخ کے شہدا کو خاموش خراج عقفیدت پیش کیا گیا۔ یہ میٹنگ قریب تین گھنٹے تک جاری رہی۔

وزیر اعظم کی زیرصدارت اس اجلاس میں، وزیر دفاع نے پورے واقعے کی تفصیلات سے آگاہ کیا اور گلوان میں فوج کی تیاریوں سے اپوزیشن رہنماؤں کو آگاہ کیا۔ انہوں نے کہا کہ سرحد پر فوج پوری طرح چوکس ہے۔ کانگریس کی صدر سونیا گاندھی گاندھی نے کہا کہ اس اجلاس کو حکومت نے دیر سے طلب کیا ہے اور اسے پہلے بھی بلایا جانا چاہئے تھا۔ انہوں نے کہا کہ حکومت بہت سارے اہم امور کے بارے میں معلومات فراہم نہیں کر رہی ہے اور حکومت کو چاہئے کہ وہ پہلے کی صورتحال کو بحال کرنے کی یقین دہانی کرائے۔

ترنمول کانگریس کی صدر ممتا بنرجی نے کہا کہ اتحاد اور سالمیت کے معاملے پر پوری اپوزیشن حکومت کے ساتھ ہے۔ انہوں نے کہا کہ حکومت چین کے معاملے پر شفافیت برقرار رکھے اور اپوزیشن کو مکمل معلومات فراہم کرے۔ میٹنگ میں، زیادہ تر فریقوں نے حکومت پر اعتماد کیا اور اس کی حمایت کی۔

حال ہی میں، لداخ میں لائن آف ایکچول کنٹرول پر ہندوستانی فوجیوں کا چینی فوجیوں کے ساتھ پْرتشدد تصادم ہوا تھا جس میں 20 ہندوستانی فوجی شہید ہوگئے تھے۔ اس کے بعد، کانگریس سمیت متعدد اپوزیشن جماعتوں نے حکومت پر ردعمل کے بڑھتے ہوئے، ایک جماعتی اجلاس کا مطالبہ کیا۔

محترمہ گاندھی اور محترمہ بنرجی کے علاوہ بہوجن سماج پارٹی کی صدر مایاوتی، جنتا دل یونائیٹڈکے صدر نتیش کمار، نیشنلسٹ کانگریس پارٹی کے شرد پوار، سماج وادی پارٹی کے رام گوپال یادو، شیوسینا چیف اودھوو ٹھاکرے۔ بیجو جنتا دل کے صدر نوین پٹنائک اور تلنگانہ راشٹرا سمیتی کے کے۔ چندر شیکھر راؤ نے حصہ لیا۔ عام آدمی پارٹی، راشٹریہ جنتا دل، اے آئی آئی ایم اور بہت سی دوسری چھوٹی جماعتوں کو کل جماعتی اجلاس میں مدعو نہیں کیا گیا تھا۔